பாடகி சுசித்ரா ஆர்.ஜே.வாக ரசிகர்களுக்கு அறிமுகமானவர். இவரது பிரத்தியேகமான குரல் ரசிகர்களைக் கவர்ந்திருந்தது. இதனால் திரைப்படத்தில் பாடல் பாடும் வாய்ப்பு இவருக்குக் கிடைத்தது. இவரது கணவர் கார்த்திக் குமார் திரைப்படத்தில் நடித்து வந்தார்.
இவருக்கும் சுசித்ராவிற்கும் கருத்து வேறுபாடு ஏற்பட்டு சில ஆண்டுகளுக்கு முன்பு பிரிந்தனர். தற்போது கார்த்திக் குமாருக்கும் மேயாத மான் உள்பட சில படங்களில் நடித்திருந்த அம்ருதா ஸ்ரீனிவாசனுக்கும் சென்னையில் திருமணம் நடந்து முடிந்திருக்கிறது.
குடும்ப உறுப்பினர்கள், நெருங்கிய நட்புகள் மட்டும் கலந்து கொண்ட இந்த திருமணத்தில் கலந்து கொண்ட நடிகை வினோதினி டிவிட்டர் பக்கத்தில் பதிவிட்டிருக்கிறார்.