சூரரை போற்று ஸ்பெஷல்! சூர்யா ரசிகர்களுக்கு சூப்பரான நல்ல செய்தி – தமிழ் புத்தாண்டு கொண்டாட்டம்

சூர்யா ரசிகர்கள் அனைவரும் ஆவலோடு எதிர்பார்த்த படம் சூரரை போற்று. சுதா கே பிரசாத் இயக்கத்தில் இப்படத்தை மே தின ஸ்பெஷலாக வெளியிட திட்டமிடப்பட்டிருந்தது.

ஆனால் தற்போது கொரோனா வைரஸ் தாக்கத்தால் ஊரடங்கு உத்தரவு கடைபிடிக்கப்படுகிறது. தியேட்டர்கள் மூடப்பட்டுள்ளதால் படங்கள் வெளியாவது நிறுத்தி வைக்கப்பட்டுள்ளன.

எனவே சூரரை போற்று படம் எப்போது வெளியாகும் என்பது கேள்விக்குறியாக உள்ளது. படத்தின் இசை வெளியீட்டு விழா கடந்த சில தினங்களுக்கு முன் சென்னை விமான நிலையத்தில் நடைபெற்றது.

ஜி.வி. பிரகாஷ் இசையில் வெய்யோன் சில்லி பாடல் பறக்கும் விமானத்தில் வெளியிடப்பட்டது.

இந்நிலையில் இப்படம் உருவான கதை குறித்த மேக்கிங் வீடியோவை தமிழ் புத்தாண்டு ஸ்பெஷலாக வரும் ஏப்ரல் 14 ம் தேதி காலை 9 மணிக்கு சன் டிவியில் வெளியிடுகிறார்களாம்.