ஹாலிவுட்டின் பிரபல இயக்குநர் கிறிஸ்டோபர் நோலன் இயக்கியுள்ள ‘தி ஒடிஸி’ திரைப்படம் உலகம் முழுவதும் மிகப்பெரிய எதிர்பார்ப்பை ஏற்படுத்தியுள்ளது. ஹோமரின் புகழ்பெற்ற கிரேக்க மகாகாவியமான ‘ஒடிஸி’யை தழுவி உருவாகியுள்ள இந்தப் படம், நோலனின் முதல் புராணக் கதையை மையமாகக் கொண்ட திரைப்படமாகும்.
‘தி டார்க் நைட்’, ‘இன்செப்ஷன்’, ‘இன்டர்ஸ்டெல்லார்’, ‘தி பிரெஸ்டீஜ்’, ‘ஓப்பன்ஹைமர்’ போன்ற உலகப் புகழ்பெற்ற படங்களை இயக்கிய நோலன், தனது தனித்துவமான கதை சொல்லல் மற்றும் காட்சியமைப்பால் ரசிகர்களை கவர்ந்தவர். அவரது ‘ஓப்பன்ஹைமர்’ திரைப்படம் ஆஸ்கர் விருதுகளில் பல பிரிவுகளில் வெற்றி பெற்றது குறிப்பிடத்தக்கது.
‘தி ஒடிஸி’ திரைப்படம், டிரோஜன் போர் முடிந்த பிறகு, இத்தாக்கா மன்னர் ஒடிஸியஸ் தனது ராஜ்ஜியத்திற்குத் திரும்ப மேற்கொள்ளும் ஆபத்தான மற்றும் சாகசம் நிறைந்த பயணத்தை மையமாகக் கொண்டு உருவாகியுள்ளது.
இந்தப் படத்தில் மாட் டேமன், டாம் ஹாலண்ட், ஜெண்டயா, ஆன் ஹாத்வே, எலியட் பேஜ் உள்ளிட்ட முன்னணி ஹாலிவுட் நட்சத்திரங்கள் நடித்துள்ளனர். இதில் ஒடிஸியஸ் கதாபாத்திரத்தில் மாட் டேமன், அவரது மனைவி பெனிலோப்பாக ஆன் ஹாத்வே, மகனாக டெலிமாக்கஸ் வேடத்தில் டாம் ஹாலண்ட் நடித்துள்ளனர்.
திரைப்படத்தின் மீதான எதிர்பார்ப்பை மேலும் அதிகரிக்கும் வகையில், ‘தி ஒடிஸி’ படத்தின் மேக்கிங் வீடியோ விரைவில் வெளியாகவுள்ளதாக தகவல் வெளியாகியுள்ளது. இந்த சிறப்பு வீடியோ, இந்தியாவில் ஜியோஹாட்ஸ்டார் (JioHotstar) ஓடிடி தளத்தில் வெளியாகும் என கூறப்படுகிறது. ரசிகர்கள் இதற்காக ஆவலுடன் காத்திருக்கின்றனர்.
Defy the Gods. Watch the New Trailer for Christopher Nolan’s The Odyssey and experience the film in theaters 7 17 26. pic.twitter.com/Ve6wUGxw3P
— The Odyssey Movie (@odysseymovie) May 5, 2026