தளபதி 67 படத்தில் இணையும் முக்கிய பிரபலம்..வைரலாகும் சூப்பர் ஹிட் தகவல்

கோலிவுட் திரையுலகில் பிரபலம் முன்னணி நடிகராக வலம் வருபவர் தான் தளபதி விஜய். இவர் தற்போது வம்சி படைப்பள்ளி இயக்கிக் கொண்டிருக்கும் ‘வாரிசு’ திரைப்படத்தில் நடித்து வருகிறார். இதில் இவருடன் இணைந்து ரஷ்மிகா மந்தனா, யோகி பாபு, பிரபு, சரத்குமார், சங்கீதா, ஷாம் போன்ற பல முன்னணி நட்சத்திரங்கள் இணைந்து நடித்து வருகின்றனர். வரும் பொங்கல் பண்டிகைக்கு வெளியாக இருக்கும் இப்படத்தை தொடர்ந்து நடிகர் விஜய் லோகேஷ் கனகராஜ் இயக்கத்தில் ‘தளபதி 67’ திரைப்படத்தில் நடிக்க இருக்கிறார்.

இப்படம் குறித்து எந்த ஒரு உறுதியான அறிவிப்பும் இதுவரை வெளிவராமல் இருக்கும் நிலையில் இப்படத்தில் இணைய இருக்கும் நட்சத்திரங்கள் குறித்த தகவல் அவ்வப்போது இணையத்தில் வெளியாகி வருகிறது. இந்நிலையில் இப்படத்தில் தமிழ் சினிமாவில் பிரபல வில்லன் கதாபாத்திரத்தில் நடித்து வரும் மன்சூர் அலிகான் இணைந்து இருப்பதாக தகவல் வெளியாகி உள்ளது. இது குறித்து அவர் வெளியிட்டுள்ள பதிவும் வைரலாகி வருகிறது. அதில் அவர், எனது அன்பு தம்பி லோகேஷ் படத்தில் இணைய மகிழ்ச்சி என்று பதிவிட்டு இருக்கிறார். இந்த தகவல் விஜய் ரசிகர்களை உற்சாகப்படுத்தி வருகிறது.