அயலான் படத்தின் ரிலீஸ் தேதி குறித்து புதிய அப்டேட் வெளியிட்ட சிவகார்த்திகேயன்..

தென்னிந்திய திரை உலகில் பிரபல முன்னணி ஹீரோவாக திகழ்ந்து கொண்டிருப்பவர் தான் சிவகார்த்திகேயன். இவரது நடிப்பில் வரும் அக்டோபர் 21 ஆம் தேதி பிரின்ஸ் திரைப்படம் தீபாவளி பண்டிகையை முன்னிட்டு தமிழ், தெலுங்கு என இரு மொழிகளிலும் வெளியாக உள்ளது. இப்படத்தை தொடர்ந்து இவரது நடிப்பில் அடுத்ததாக தயாராக இருக்கும் திரைப்படமான அயலான் திரைப்படத்தின் ரிலீஸ் தேதி குறித்த அப்டேட்டை சிவகார்த்திகேயன் பகிர்ந்திருக்கிறார்.

ஆர்.ரவிக்குமார் இயக்கத்தில் உருவாகி இருக்கும் அயலான் திரைப்படத்தில் கதாநாயகனாக நடிகர் சிவகார்த்திகேயன் நடித்திருக்கிறார். ஏலியன்ஸ் வைத்து புதுவிதமாக தயாரித்திருக்கும் இப்படத்திற்கு இசைப்புயல் ஏ ஆர் ரகுமான் இசையமைத்திருக்கிறார். தற்போது இப்படம் பற்றி சிவகார்த்திகேயன், அயலான் திரைப்படம் அடுத்த ஆண்டு ஜூலை மாதத்திற்குள் வெளியாகி விடும் என்று உறுதியளித்திருக்கிறார். மேலும் இப்படத்திற்கான படப்பிடிப்பு மற்றும் டப்பிங் பணிகள் நிறைவடைந்து விட்டதாக கூறிய அவர் கிராபிக்ஸில் எந்தவித சமரசமும் செய்யக்கூடாது என்ற எண்ணத்தில் படக்குழு இருப்பதால் இப்படம் வெளியாக தாமதம் ஆகிறது என்று கூறி இருக்கிறார்.