கையில் அருவா… கண்ணில் கோபம்… பைக்கில் மாஸாக வரும் அண்ணாத்த

சிறுத்தை சிவா இயக்கத்தில் சூப்பர் ஸ்டார் ரஜினிகாந்த் நடித்து வரும் திரைப்படம் ‘அண்ணாத்த’. கிராம பின்னணிக் கொண்டு உருவாகி வரும் இந்த படத்தில் குஷ்பு, மீனா, நயன்தாரா, கீர்த்தி சுரேஷ், யோகிபாபு உள்ளிட்ட ஏராளமான திரை நட்சத்திரங்கள் நடித்து வருகின்றனர்.

இப்படத்திற்கு டி.இமான் இசையமைக்கிறார். இப்படத்தின் இறுதிக்கட்ட பணிகள் தற்போது விறுவிறுப்பாக நடைபெற்று வருகிறது. வரும் நவம்பர் 4-ந் தேதி தீபாவளி பண்டிகையையொட்டி ‘அண்ணாத்த’ திரைப்படத்தை வெளியிட தயாரிப்பு நிறுவனம் முடிவு செய்துள்ளது.

விநாயகர் சதுர்த்தியை முன்னிட்டு இன்று காலை அண்ணாத்த படத்தின் பர்ஸ்ட் லுக் போஸ்டர் வெளியாகி வைரலானது. தற்போது அண்ணாத்த படத்தின் மோஷன் போஸ்டர் வெளியாகியுள்ளது. அதில், கையில் அருவாவுடன், கண்ணில் கோபத்துடன் பைக்கில் கெத்தாக வருகிறார் ரஜினி. இந்த மோஷன் போஸ்டர் தற்போது ரசிகர்களிடையே அதிக வரவேற்பு பெற்று வருகிறது.