தெலுங்கு திரை உலகில் பிரபல இயக்குனராக விளங்குபவர் வம்சி படைப்பள்ளி. இவரது இயக்கத்தில் விஜய் நடிப்பில் கடந்த ஜனவரி 11ஆம் தேதி குடும்பங்கள் கொண்டாடும் திரைப்படமாக வெளியான வாரிசு திரைப்படம் ரசிகர்கள் மத்தியில் மாபெரும் வரவேற்பை பெற்று வருகிறது. உலக அளவில் ரூ.100 கோடி வரை வசூலித்து இருப்பதாக தகவல் வெளியாகி உள்ள இப்படத்தில் ராஷ்மிகா மந்தனா, சரத்குமார், யோகி பாபு உள்ளிட்ட பல முன்னணி நட்சத்திரங்கள் முக்கியமான கதாபாத்திரத்தில் நடித்திருக்கின்றனர்.
தில் ராஜு தயாரிப்பில் தமன் இசையில் தமிழ் மட்டுமின்றி தெலுங்கு, மலையாளம், ஹிந்தி போன்ற மொழிகளிலும் இப்படம் வெளியாகி ரசிகர்களால் கொண்டாடப்பட்டு வருகிறது. இந்நிலையில் வாரிசு திரைப்படத்தை இயக்குனர் வம்சியின் தந்தை பார்த்து கண் கலங்கியபடி அவரை கட்டி அணைத்து கொண்டு தழுவி கொடுக்கும் உணர்ச்சிகரமான வீடியோ இணையத்தில் வைரலாகி வருகிறது.
அதாவது இயக்குனர் வம்சி தனது ட்விட்டர் பக்கத்தில் ‘இன்று எனது அப்பா ‘வாரிசு’ படத்தைப்பார்த்து நெகிழ்ந்ததே எனது மிகப்பெரிய சாதனை; என் வாழ்நாள் முழுவதும் நினைவில் நிற்கும் தருணம் இது. நீங்கள் தான் என் ஹீரோ.. லவ் யூ அப்பா’ என்றும் குறிப்பிட்டு அந்த உணர்ச்சிகரமான வீடியோவை பதிவிட்டு இருக்கிறார். அது தற்போது ரசிகர்கள் மத்தியில் அதிக அளவில் ஷேர் செய்யப்பட்டு வைரலாகி வருகிறது.
My Biggest achievement was today when My " Naanna / Appaa " was overwhelmed watching #Vaarasudu ( #Varisu )… This is the moment I will cherish for lifetime.. " You are my HERO Naannaa "…..Love You to Eternity… ❤️ pic.twitter.com/E5SokU8x8g
— Vamshi Paidipally (@directorvamshi) January 14, 2023