தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் அட்லி இயக்கத்தில் வெளியாகி மிகப்பெரிய வெற்றியைப் பெற்ற திரைப்படம் தெறி. விஜய் மற்றும் அட்லி கூட்டணியில் வெளியான முதல் திரைப்படம் இது.
தளபதி விஜய்க்கு ஜோடியாக சமந்தா உட்பட பல நடிகர் நடிகைகள் இணைந்து நடித்துள்ள இந்தப் படம் வசூல் ரீதியாகவும் விமர்சன ரீதியாகவும் பெரும் வெற்றியைப் பெற்றது.
இந்த நிலையில் பல வருடங்களுக்குப் பிறகு தற்போது இந்தப் படம் தெலுங்கில் ரீமேக் ஆக இருப்பதாக தகவல் வெளியாகியுள்ளது. அதுவும் இந்த படத்தில் தெலுங்கு சினிமாவின் முன்னணி நடிகரான பவன் கல்யாண் நடிக்க உள்ளார் என சொல்லப்படுகிறது. இது குறித்த அதிகாரப்பூர்வ அறிவிப்பை விரைவில் எதிர்பார்க்கலாம் என டோலிவுட் வட்டாரங்களில் பேச்சுக்கள் கிளம்பியுள்ளன.
