தளபதி 67 குறித்து வெளியான லேட்டஸ்ட் அப்டேட்..

தென்னிந்திய சினிமாவில் முன்னணி நடிகராக வலம் வருபவர் தளபதி விஜய். இவர் தற்போது வம்சி இயக்கத்தில் தில் ராஜு தயாரிப்பில் தமிழ் மற்றும் தெலுங்கு என இரண்டு மொழிகளில் உருவாகி வரும் வாரிசு படத்தில் நடித்து வருகிறார்.

விஜய்க்கு ஜோடியாக ராஷ்மிகா, பிரபு, சரத்குமார், பிரகாஷ்ராஜ், தெலுங்கு நடிகர் ஸ்ரீகாந்த், யோகி பாபு, நடிகர் ஷாம், ஜெயசுதா, குஷ்பூ, சங்கீதா, சம்யுக்தா, என பலர் முக்கிய கதாபாத்திரங்களில் நடித்திருக்கின்றனர்.

இந்த படத்தை தொடர்ந்து விஜய் அடுத்ததாக லோகேஷ் கனகராஜ் இயக்கத்தில் உருவாக உள்ள தளபதி 67 படத்தில் நடிக்க உள்ளார் என்பதை அனைவரும் அறிந்து ஒன்று. செவன் ஸ்கிரீன் ஸ்டுடியோஸ் நிறுவனம் தயாரிக்க உள்ளதாக சொல்லப்படும் இந்த படத்தின் படப்பிடிப்புகள் வரும் டிசம்பர் மாதத்தில் தொடங்க இருப்பதாக தெரியவந்துள்ளன.

வாரிசு படத்தின் படப்பிடிப்புகள் முடிவடைந்தவுடன் நவம்பர் மாதத்தில் ஒரு சிறிய ஓய்வு எடுக்க விரும்பும் விஜய் டிசம்பர் மாதத்தில் அடுத்த படத்தில் அதாவது லோகேஷ் கனகராஜ் இயக்கும் படத்தின் படப்பிடிப்பில் கலந்து கொள்வார் என கோலிவுட் வட்டாரங்களில் தகவல்கள் வெளியாகி உள்ளன. இது குறித்த அதிகாரப்பூர்வ அறிவிப்பு விரைவில் வெளியாகும் என சொல்லப்படுகிறது.