தமிழ் சினிமாவில் முன்னணி நடிகராக வலம் வருபவர் சிம்பு. ஏராளமான ரசிகர் பட்டாளத்தை கொண்டுள்ள இவர் “பத்து தல” திரைப்படத்தின் வரவேற்பை தொடர்ந்து அடுத்ததாக தனது 48வது திரைப்படமாக உருவாகும் “STR 48” என தற்காலிகமாக பெயரிடப்பட்டிருக்கும் திரைப்படத்தில் நடிக்க இருக்கிறார்.
கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் தயாரிக்க இருக்கும் இப்படத்தை தேசிங்கு பெரியசாமி இயக்க இருக்கிறார். இப்படத்திற்காக தற்போது உடல் எடை குறைத்து செம்ம ஸ்டைலாக மாறியுள்ள சிம்பு இதில் இரட்டை வேடத்தில் நடிக்க இருப்பதாகவும் இப்படத்திற்கான படப்பிடிப்பு வரும் அக்டோபர் மாதம் தொடங்க இருப்பதாகவும் ஏற்கனவே சில தகவல்கள் வெளியாகி வைரலானது.
இந்நிலையில் இப்படத்தின் இசையமைப்பாளர் தொடர்பான அப்டேட் ஒன்று வெளியாகி உள்ளது. அதன்படி STR 48 திரைப்படத்திற்கு இசை புயல் ஏ ஆர் ரகுமான் அவர்கள் இசையமைக்க இருப்பதாக தகவல் வெளியாகி உள்ளது. ஏற்கனவே சிம்புவின் முக்கிய படங்களுக்கு இசையமைத்துள்ள ஏ.ஆர்.ரகுமான் தற்போது VTK, பத்து தல திரைப்படத்தின் வெற்றியைத் தொடர்ந்து இப்படத்திற்கும் இசையமைக்க இருப்பதாக வெளியாகி உள்ள தகவல் ரசிகர்கள் மத்தியில் எதிர்பார்ப்பை அதிகரிக்க செய்து வைரலாகி வருகிறது.
