ஜவான் படத்தின் புதிய போஸ்டர் இணையத்தில் வைரல்

தமிழ் சினிமாவில் தவிர்க்க முடியாத முக்கிய இயக்குனர்களில் ஒருவராக விளங்கி வருபவர் அட்லீ. ராஜா ராணி திரைப்படத்தின் மூலம் அனைவருக்கும் பரிச்சயமான இவர் விஜய் நடிப்பில் தெறி, மெர்சல், பிகில் உள்ளிட்ட மூன்று படங்களை இயக்கி தமிழ் ரசிகர்கள் மனதில் தனக்கென தனி இடம் பிடித்தார்.

தற்போது பாலிவுட் திரை உலகில் அறிமுகமாகியுள்ள இவர் தனது முதல் படமாக ஷாருக்கான் நடிப்பில் உருவாகியுள்ள “ஜவான்” திரைப்படத்தை இயக்கியிருக்கிறார். நயன்தாரா, தீபிகா படுகோனே, விஜய் சேதுபதி, யோகி பாபு உள்ளிட்ட பல முன்னணி நட்சத்திரங்கள் இணைந்து நடித்திருக்கும் இப்படம் ரசிகர்கள் மத்தியில் பெரும் எதிர்பார்ப்பை ஏற்படுத்தி இருக்கிறது. வரும் செப்டம்பர் 7 ஆம் தேதி தமிழ், தெலுங்கு, ஹிந்தி உள்ளிட்ட மொழிகளில் பான் இந்தியா திரைப்படமாக வெளியாக இருக்கும் இப்படத்தின் ட்ரெய்லர் மற்றும் ஃபர்ஸ்ட் சிங்கள் பாடல் சமீபத்தில் வெளியாகி நல்லா வரவேற்பை பெற்றிருந்தது.

அதன் பிறகு படத்தில் உள்ள கதாபாத்திரங்களின் போஸ்டர்களை முதலில் படக்குழு ஒவ்வொன்றாக வெளியிட்டு வந்த நிலையில் தற்போது படக்குழு தொடர்ந்து பல போஸ்டர்களை பதிவிட்டு ரசிகர்களை குஷிப்படுத்தி வருகிறது. அந்த வகையில் மீண்டும் ஒரு மிரட்டலான புதிய போஸ்டரை படக்குழு வெளியிட்டுள்ளது. அதன்படி, ஷாருக்கான், விஜய் சேதுபதி, நயன்தாரா இடம்பெற்றுள்ள இந்த போஸ்டரை ரசிகர்கள் சமூக வலைதளத்தில் பகிர்ந்து ட்ரெண்டாக்கி வருகின்றனர்.