உங்கள மாதிரி இன்னொருத்தர் பிறக்க முடியாது.. சீக்கிரம் வாங்க சார் – ஆக்சன் கிங் அர்ஜுன் வெளியிட்ட வீடியோ.!!

உங்கள மாதிரி இன்னொருத்தர் திறக்க முடியாது சீக்கிரம் வாங்க சார் என எஸ்பிபி குறித்து அர்ஜுன் வீடியோ ஒன்றை வெளியிட்டுள்ளார்.

இந்திய சினிமாவின் பின்னணிப் பாடகராக பல ஆயிரக்கணக்கான பாடல்களைப் பாடி பிரபலமானவர் எஸ் பி பாலசுப்ரமணியம்.

இவர் கடந்த சில வாரங்களாக கொரானா வைரசால் பாதிக்கப்பட்டு தனியார் மருத்துவமனை ஒன்றில் தீவிர சிகிச்சை பெற்று வருகிறார். சமீபத்தில் உடல்நிலை கவலைக்கிடமாக இருந்தது தற்போது கொஞ்சம் கொஞ்சமாக இயல்பு நிலைக்கு திரும்பி வருவதாக அவரது மகன் எஸ்பிபி சரண் தெரிவித்திருந்தார்.

மேலும் திரையுலக பிரபலங்கள் பலரும் எஸ் பி பாலசுப்ரமணியம் அவர்கள் வெகு விரைவில் பூரண குணமடைந்து வீடு திரும்ப வேண்டும் என இறைவனை பிரார்த்தித்து வீடியோ வெளியிட்டு வருகின்றனர்.

அந்த வகையில் தற்போது தமிழ் சினிமாவில் ஆக்ஷன் கிங்காக வலம் வரும் அர்ஜூன் தன்னுடைய இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார்.

பின்னணி பாடகர் எஸ் பி பாலசுப்பிரமணி பற்றி பேசியுள்ள அந்த வீடியோவில் உங்களை மாதிரி உலகத்தில் வேறு யாரும் பிறக்க முடியாது விரைவில் மீண்டு வாங்க சார் என கூறியுள்ளார்.

மேலும் கோடிக்கணக்கான மக்களின் பிரார்த்தனையால் எஸ்பிபி அவர்கள் விரைவில் குணமடைந்து வீடு திரும்புவார் என நம்புவதாகவும் தெரிவித்துள்ளார்.