அசோக் செல்வனுடன் நடிக்கும் விஜய் சேதுபதி பட நடிகை

அஷ்வத் மாரிமுத்து இயக்கத்தில் அசோக் செல்வன், ரித்திகாசிங், வாணி போஜன் நடிப்பில் வெளியான படம் ஓ மை கடவுளே. இப்படத்தை தொடர்ந்து அசோக் செல்வன் நடிக்கும் அடுத்த படம் ஒரே நேரத்தில் தமிழிலும், தெலுங்கிலும் உருவாகிறது. இதை அனி சசி இயக்குகிறார். நித்யா மேனன், ரீத்து வர்மா ஹீரோயின்களாக நடிக்கின்றனர்.

இதையடுத்து அசோக் செல்வன் நடிக்கும் படத்தை புதிய பெண் இயக்குனர் ஸ்வாதினி இயக்குகிறார். இவர் சுசீந்திரன் இயக்கிய படங்களில் உதவி இயக்குனராக பணியாற்றியவர். அசோக் செல்வன் ஜோடியாக நிஹாரிகா நடிக்கிறார். இவர் விஜய் சேதுபதி, கவுதம் கார்த்திக் நடிப்பில் வெளியான ஒரு நல்ல நாள் பாத்து சொல்றேன் என்ற படத்தில் ஹீரோயினாக நடித்தவர். தேசிய ஊரடங்கு முடிந்த பிறகு இப்படத்தின் படப்பிடிப்பு தொடங்குகிறது.