சினிமாவில் களமிறங்கும் விஜய் மகன் சஞ்சய்.. வைரலாகும் தகவல்

கோலிவுட் திரை வட்டாரத்தில் ரசிகர்களால் அன்போடு இளைய தளபதி என்று அழைக்கப்பட்டு வரும் நடிகர் விஜய் அவர்கள் பீஸ்ட் திரைப்படத்தை தொடர்ந்து வம்சி படைபள்ளி இயக்கிக் கொண்டிருக்கும் ‘வாரிசு’ திரைப்படத்தில் நடித்து வருகிறார். இந்நிலையில் இவரது மகனான ஜேசன் சஞ்சய் அவர்கள் சினிமாவில் நடிக்கவுள்ளதாக அடிக்கடி தகவல்கள் பரவி வருகிறது. அந்த வகையில் கடந்த ஆண்டு கூட ஜேசன் சஞ்சய் விஜய் சேதுபதியுடன் இணைந்து ஒரு படம் நடிக்கப் போகிறார் என்ற தகவல் வெளியாகி வைரலானது.

ஆனால் இது குறித்து எந்த அதிகாரபூர்வமான தகவலும் வெளியாகவில்லை. அதேபோல் தற்போது மீண்டும் ஒரு புதிய தகவல் கிடைத்துள்ளது. அதாவது விஜயின் மகன் ஜேசன் சஞ்சய் தற்போது சினிமாவில் நடிப்பதற்காக நடிப்பு பயிற்சியில் தீவிரமாக இறங்கி இருக்கிறாராம். இதற்கு அப்பா விஜயும் சம்மதம் தெரிவித்துள்ளதால் ஜேசன் தற்போது முதல் கட்டமாக நடனப் பயிற்சிக்கு முக்கியத்துவம் கொடுத்து வருகிறாராம்.

அதற்காக நடன கலைஞர் அவரது வீட்டிற்கே வந்து கற்றுத் தருகிறாராம். இதனைத் தொடர்ந்து ஜேசன் வசனங்கள் உச்சரிக்கும் பயிற்சியை மேற்கொள்ள இருக்கிறாராம். கிட்டத்தட்ட 4 வருடங்களில் அவரைக் களமிறக்க ஏற்பாடு நடந்து வருவதாகவும் சினிமா வட்டாரத்தில் கிசு கிசுக்கப்படுகிறது. எனவே விரைவில் விஜயின் மகன் சினிமாவில் களமிறங்கவுள்ளதால் அவரது ரசிகர்கள் உற்சாகத்தில் உள்ளனர்.