‘தளபதி 65’ படத்தில் விஜய்க்கு இப்படி ஒரு கதாபாத்திரமா?

விஜய் நடித்த மாஸ்டர் படம் கொரோனா ஊரடங்கு தளர்வுக்கு பிறகு தியேட்டர்களில் வெளியாகி வரவேற்பை பெற்றது. இந்த படம் கொரோனா அச்சத்துக்கு இடையில் ரசிகர்களை தைரியமாக திரையரங்குகளுக்கு வரவைத்ததாக தியேட்டர் அதிபர்கள் மகிழ்ச்சி தெரிவித்தனர்.

இந்த படத்துக்கு பிறகு நயன்தாரா நடித்த கோலமாவு கோகிலா படத்தை எடுத்து பிரபலமான நெல்சன் இயக்கும் படத்தில் நடிக்க விஜய் தயாராகி உள்ளார். இது அவருக்கு 65-வது படம். அனிருத் இசையமைக்கிறார். மனோஜ் பரமஹம்சா ஒளிப்பதிவு செய்கிறார். விஜய் ஜோடியாக நடிக்கும் கதாநாயகி தேர்வு நடக்கிறது. பூஜா ஹெக்டே அல்லது ராஷ்மிகா மந்தனாவுக்கு வாய்ப்பு இருப்பதாக கூறப்படுகிறது.

இதன் படப்பிடிப்பு அடுத்த மாதம் தொடங்க இருப்பதாக கூறப்படுகிறது. ரஷ்யாவில் பெரும்பகுதி காட்சியை படமாக்க திட்டமிட்டு உள்ளனர். இந்த நிலையில் விஜய்யின் 65-வது படம் அரசியல் கதையம்சத்தில் தயாராவதாகவும் விஜய் அரசியல்வாதி கதாபாத்திரத்தில் நடிக்கிறார் என்றும் புதிய தகவல் சமூக வலைத்தளங்களில் பரவி வருகிறது. படக்குழுவினர் இதனை உறுதிப்படுத்தவில்லை.