தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் வெளியாகிய ரசிகர்கள் மத்தியில் நல்ல வரவேற்பை பெற்ற லியோ படத்தைத் தொடர்ந்து தற்போது வெங்கட் பிரபு இயக்கத்தில் உருவாகி வரும் கோட் படத்தில் நடித்து வருகிறார்.
இந்த நிலையில் கடந்த சில தினங்களுக்கு முன்னர் தளபதி விஜய் சினிமா கடமையை முடித்துவிட்டு மக்களுக்காக பணியாற்ற இருப்பதாகவும் அதற்காக தமிழக வெற்றி கழகம் என்ற பெயரில் புதிய கட்சியை தொடங்கியிருப்பதாகவும் அறிவிப்பை வெளியிட்டு இருந்தார்.
அதுமட்டுமின்றி நாடாளுமன்ற தேர்தலில் போட்டியிட போவதில்லை எந்த கட்சிக்கும் ஆதரவும் கிடையாது என அறிவித்திருந்தார். வெங்கட் பிரபு படத்தை முடித்து மேலும் ஒரே ஒரு படத்தில் மட்டுமே விஜய் நடிக்க இருப்பதாக தகவல் வெளியானது.
தளபதி விஜயின் கடைசி படமான இந்த படத்தை இயக்குனர் எச் வினோத் இயக்க இருப்பதாகவும் ராஜ்கமல் இன்டர்நேஷனல் ஃபிலிம்ஸ் நிறுவனம் இப்படத்தை தயாரிக்க இருப்பதாகவும் தகவல்கள் வெளிவர தொடங்கியுள்ளன.
இது யாரும் எதிர்பாராத கூட்டணி என ரசிகர்கள் பலரும் இந்த தகவல் குறித்து கருத்து தெரிவித்து வருகின்றனர்.
