வாத்தி படத்தின் நெட்பிளிக்ஸ் ரிலீஸ் தேதி எப்போது தெரியுமா?வைரலாகும் தகவல்

தமிழ் சினிமாவில் முன்னணி நடிகராக வலம் வருபவர் நடிகர் தனுஷ். இவர் தற்போது அருண் மாதேஸ்வரன் இயக்கத்தில் உருவாகி வரும் கேப்டன் மில்லர் திரைப்படத்தில் நடித்து வருகிறார். இப்படத்திற்கான படப்பிடிப்பு பணிகள் தீவிரமாக நடைபெற்று வருகிறது.

இந்நிலையில் தனுஷ் நடிப்பில் கடந்த மாதம் வெளியாகி மாபெரும் வரவேற்பை பெற்றிருந்த வாத்தி திரைப்படத்தின் ott ரிலீஸ் குறித்த அப்டேட் இணையத்தில் வெளியாகி வைரலாகி வருகிறது. அதாவது கடந்த மாதம் 17ஆம் தேதி வெங்கி ஆட்டூரி இயக்கத்தில் தமிழ், தெலுங்கு என இரண்டு மொழிகளிலும் நேரடியாக வாத்தி திரைப்படம் வெளியானது. சம்யுக்தா மேனன், சமுத்திரகனி உள்ளிட்ட நட்சத்திரங்கள் இணைந்து நடித்திருந்த இப்படம் வசூல் ரீதியாகவும், விமர்சனம் ரீதியாகவும் மாபெரும் வரவேற்பை பெற்றுள்ளது.

ஜிவி பிரகாஷ் குமார் இசையமைப்பில் வெளியான இப்படம் தற்போது வரும் மார்ச் 17ஆம் தேதி netflix தளத்தில் வெளியாக இருப்பதாக நிறுவனம் அதிகாரபூர்வமான அறிவிப்பை வெளியிட்டுள்ளது. இதனால் மகிழ்ச்சியடைந்த ரசிகர்கள் இந்த தகவலை வைரலாக்கி கொண்டாடி வருகின்றனர்.