ரசிகர்கள் மத்தியில் அன்போடு தளபதி என்று அழைக்கப்பட்டு வருபவர் தளபதி விஜய். அவர் தற்போது தெலுங்கு இயக்குனர் வம்சி இயக்கத்தில் உருவாகி வரும் வாரிசு திரைப்படத்தில் நடித்து வருகிறார். தில் ராஜு தயாரிப்பில் தமன் இசையில் உருவாகி வரும் இப்படம் வரும் பொங்கல் பண்டிகைக்கு வெளியாக உள்ளது.
இது குறித்த அப்டேட்கள் அவ்வப்போது இணையத்தில் வைரலாகி வரும் நிலையில் விஜயின் மற்றொரு செல்ல பெயர் குறித்த சுவாரசியமான தகவல் வெளியாகி உள்ளது. அதாவது சமையல் நேர்காணல் ஒன்றில் கலந்து கொண்ட அவரது தாயார் ஷோபா சந்திரசேகர் விஜயின் செல்ல பெயர் “ஜோ” என கூறியுள்ளார். மேலும் அந்த நேர்காணலில் விஜய்க்கு போன் செய்து ‘ஜோ எங்கம்மா இருக்க’ என்று கேட்க, விஜய்யும் தான் ஷூட்டிங்கில் இருப்பதாக கூறியிருக்கிறார். மேலும் அவரிடம் தான் உனக்கு பிடித்த சக்கர பொங்கல் செய்திருப்பதாகவும் அவரிடம் கூறியிருக்கிறார். தற்போது இந்த சுவாரசியமான பேட்டியின் தகவல் வைரலாகி வருகிறது.
