பூவே உனக்காக திரைப்படத்தின் போது நடிகர் விஜய்யை விமர்சித்த மூத்த நடிகர்! யார் தெரியுமா?

தளபதி விஜய் தற்போது தமிழ் சினிமாவின் உச்ச நட்சத்திரமாக விளங்குபவர். இவருக்கு தமிழகம் எங்கும் பெரிய அளவில் ரசிகர்கள் வட்டம் உள்ளது.

இவரின் பிகில் திரைப்படத்தின் வெற்றிக்கு பிறகு, இயக்குனர் லோகேஷ் கனகராஜ் இயக்கத்தில் மாஸ்டர் திரைப்படத்தில் நடித்து முடித்தார்.

இப்படமும் லாக்டவுன் முடிந்த பிறகு வெளியாகும் என கூறபடுகிறது. மேலும் இவரின் அடுத்த திரைப்படத்தை இயக்குனர் ஏ.ஆர். முருகதாஸ் இயக்குவார் என்றும் எதிர்பார்க்கப்படுகிறது.

இந்நிலையில் இவர் நடிப்பில் 1996ல் வெளியாகி வெற்றியடைந்த திரைப்படம் பூவே உனக்காக. இப்படத்தில் நடிகர் விஜய்யை நடிக்க வைக்க ஒரு பாடலை பார்த்து தான் தேர்வு செய்துள்ளாராம் இயக்குனர் விக்ரமன்.

மேலும் இப்படத்தின் படப்பிடிப்பின் போது முத்த நடிகர் ஒருவர் இயக்குனர் விக்ரமனிடம் “குருவி தலையில பனங்காய் வைக்க முடியாது, ஆனால் நீ பாறாங்கல்லை தூக்கி வைத்துள்ளாய்” நடிகர் விஜய்யை விமர்சிக்கும் வகையில் பேசியுள்ளார்.

அதனை தொடர்ந்து மூன்று நாள் படப்பிடிப்பிற்கு பின் இயக்குனர் விக்ரமன் “இந்த குருவி தலையில் பனங்காய் இல்லை, பாறாங்கல் இல்லை பரங்கிமலையே கூட தூக்கி வைக்கலாம்” என அந்த முத்த நடிகரிடம் விஜய்யின் நடிப்பு குறித்து பேசியுள்ளார்.