ரவிக்குமார் இயக்கத்தில் சூர்யா நடிக்க போகும் புதிய படம் குறித்து வெளியான தகவல், எதிர்பார்ப்பில் ரசிகர்கள்

தமிழ் சினிமாவில் முன்னணி நடிகராக வலம் வருபவர் சூர்யா. இவரது நடிப்பில் அடுத்ததாக கங்குவா என்ற திரைப்படம் வெளியாக உள்ளது. அதன் பிறகு சூர்யா சுதா கொங்காரா இயக்கத்தில் ஒரு படம், ரவிக்குமார் இயக்கத்தில் ஒரு படம், வெற்றிமாறன் இயக்கத்தில் வாடிவாசல் என அடுக்கடுக்கான படங்களை கைவசம் வைத்துள்ளார்.

சூர்யா ரவிக்குமார் கூட்டணியில் உருவாக உள்ள படத்தை ட்ரீம் வாரியர்ஸ் மற்றும் அனகா பிக்சர்ஸ் இணைந்து தயாரிப்பதாக அறிவிப்பு வெளியான நிலையில் தற்போது வரை படப்பிடிப்புகள் தொடங்காமல் இருந்து வருகிறது.

இந்த நிலையில் வாடிவாசல் திரைப்படம் அக்டோபரில் தொடங்கும் என எதிர்பார்க்கப்பட்டு வருகிறது. ஒருவேளை வாடிவாசல் மீண்டும் தள்ளிப் போனால் அக்டோபரில் சூர்யா ரவிக்குமார் படத்தின் படப்பிடிப்புகள் தொடங்கும் என தகவல்கள் கிடைத்துள்ளன.