Categories: NewsTamil Newsசினிமா செய்திகள்

‘ராதே’ பட ரிலீஸில் திடீர் மாற்றம் செய்த சல்மான் கான்

Salman Khan makes a sudden change in the release of 'Radhe'

பாலிவுட்டில் பிரம்மாண்டமாக உருவாகி இருக்கும் படம் ‘ராதே’. பிரபுதேவா இயக்கியுள்ள இப்படத்தில் சல்மான் கான் ஹீரோவாக நடித்துள்ளார். இப்படத்தில் நடிகர் பரத்தும் முக்கிய கதாபாத்திரத்தில் நடித்துள்ளார். அவர் நடிக்கும் முதல் பாலிவுட் படம் இதுவாகும்.

இப்படத்தை கடந்தாண்டு ரம்ஜான் பண்டிகையன்று வெளியிட திட்டமிட்டிருந்தனர். கொரோனா அச்சுறுத்தல் காரணமாக தியேட்டர்கள் மூடப்பட்டதால் படம் ரிலீசாகவில்லை. இதனால் கடந்த ஓராண்டாக வெளியிடப்படாமல் முடங்கிக் கிடந்த இப்படம் இந்தாண்டு ரம்ஜான் பண்டிகைக்கு வெளியிடப்படும் என அறிவிக்கப்பட்டது.

இந்நிலையில், தற்போது கொரோனா 2-வது அலை வேகமாக பரவி வருவதன் காரணமாக ராதே படம், வருகிற மே 13-ந் தேதி திரையரங்குகளில் வெளியாகாது என நடிகர் சல்மான் கான் தெரிவித்துள்ளார். ஆனால் திட்டமிட்டபடி ஓடிடி மற்றும் டி.டி.ஹெச்-ல் வெளியாகும் எனக்கூறியுள்ள அவர், ரசிகர்கள் அனைவரும் வீட்டிலிருந்தே படத்தை கண்டுகளிக்குமாறு அறிவுறுத்தி உள்ளார். மேலும் கொரோனா பரவல் குறைந்த பின்னர் ராதே படம் நிச்சயம் திரையரங்குகளில் வெளியிடப்படும் என்பதையும் அவர் உறுதிபட தெரிவித்துள்ளார்.