இந்தியத் திரையுலகின் பெருமைமிகு இசையமைப்பாளர் ஏ.ஆர்.ரஹ்மான், உலக அரங்கிலும் தனது இசை திறமையால் முத்திரை பதித்தவர். இரண்டு ஆஸ்கார் விருதுகளை வென்று சாதனை படைத்த இவர், தற்போது தமிழ், தெலுங்கு, இந்தி உள்ளிட்ட பல்வேறு மொழித் திரைப்படங்களுக்கு இசையமைத்து வருகிறார். அவரது இசைக்காகவே ஒரு பெரிய ரசிகர் கூட்டம் காத்துக் கொண்டிருக்கிறது.
இந்நிலையில், சமீபத்தில் வெளியான ஒரு செய்தி அவரது ரசிகர்களுக்குப் பெரும் அதிர்ச்சியை அளித்தது. அது, ஏ.ஆர்.ரஹ்மான் தனது மனைவியை விவாகரத்து செய்ய முடிவெடுத்தது தொடர்பானது. இந்த செய்தி பலரையும் வருத்தத்தில் ஆழ்த்தியது. இந்த சூழ்நிலையில், ஏ.ஆர்.ரஹ்மான் தான் கொண்டிருக்கும் ஒருவித “போதை” குறித்து வெளிப்படையாகப் பேசியிருக்கிறார்.
சமீபத்திய உரையாடல் ஒன்றில், ஏ.ஆர்.ரஹ்மான் தனக்கு வேலை செய்வதே ஒருவிதமான போதையைத் தருவதாகக் குறிப்பிட்டார். “எனக்கு வேலை செய்வது ஒரு போதை போன்றது. ஒரு பாடலை எட்டு மணி நேரத்தில் முடித்தாலும், அதில் இன்னும் என்ன செய்ய முடியும் என்று யோசித்துக் கொண்டே இருப்பேன். கூடுதல் நேரம் கிடைத்தால் இன்னும் சிறப்பாக உழைக்க முடியும், அது எனக்கு மிகுந்த மனநிறைவைத் தருகிறது” என்று அவர் கூறினார்.
தனது இசைப்பணியின் காரணமாக நண்பர்களுடன் அதிக நேரம் செலவழிக்க முடிவதில் தனக்கு வருத்தம் இல்லை என்றும் அவர் தெரிவித்தார். “எனக்கு நிறைய நண்பர்கள் இருந்தார்கள், ஆனால் நான் எப்போதும் வேலையில் மூழ்கியிருந்தேன். அதிக நேரம் கிடைத்தாலும், இன்னும் தீவிரமாக வேலை செய்வேன். குறைவான வேலை செய்து அதிக நண்பர்களைச் சம்பாதிக்க நான் விரும்பவில்லை” என்று அவர் மேலும் கூறினார்.
music director AR Rahman about music