விஷ்ணு விஷாலின் புதிய வசூல் சாதனை… ரூ.50 கோடியை கடந்த ‘கட்டா குஸ்தி 2’

நடிகர் விஷ்ணு விஷால் நடித்துள்ள ‘கட்டா குஸ்தி 2’ திரைப்படம் உலகளவில் ரூ.50 கோடி வசூலைக் கடந்து, அவரது திரைப்பயணத்தில் அதிக வசூல் செய்த படமாக புதிய சாதனை படைத்துள்ளது.

கடந்த வாரம் திரையரங்குகளில் வெளியான இப்படம், ரசிகர்கள் மற்றும் விமர்சகர்களிடையே நல்ல வரவேற்பைப் பெற்றதுடன், பாக்ஸ் ஆபிஸிலும் வலுவான செயல்பாட்டை வெளிப்படுத்தி வருகிறது. முதல் வாரத்திலிருந்தே சிறப்பான வசூலை ஈட்டியுள்ள இப்படம், தற்போது இரண்டாவது வாரத்திலும் பல இடங்களில் ஹவுஸ்ஃபுல் காட்சிகளுடன் ஓடிவருகிறது.

படத்திற்கு கிடைத்த வரவேற்பைத் தொடர்ந்து, உலகம் முழுவதும் 700-க்கும் மேற்பட்ட திரைகளில் திரையிடப்பட்டு வருவதாக தயாரிப்பு நிறுவனம் தெரிவித்துள்ளது.

உலகளவில் ரூ.50 கோடிக்கு மேல் வசூலித்துள்ள ‘கட்டா குஸ்தி 2’, இதற்கு முன்பு விஷ்ணு விஷாலின் அதிக வசூல் சாதனையைப் படைத்த ‘ராட்சசன்’ திரைப்படத்தின் சாதனையை முறியடித்துள்ளது. ‘ராட்சசன்’ திரைப்படம் ரூ.40 கோடிக்கும் அதிகமாக வசூலித்திருந்தது குறிப்பிடத்தக்கது.