தனுஷ் பிறந்த நாளில் நானே வருவேன் படக்குழு வெளியிட்ட போஸ்டர்..

தென்னிந்திய சினிமாவில் பன்முகத் திறமைகளை கொண்டு டாப் ஹீரோக்களில் ஒருவராக திகழ்பவர் தான் நடிகர் தனுஷ். இவர் நடிப்பில் அண்மையில் வெளியான ‘தி கிரே மேன்’ ஹாலிவுட் திரைப்படம் ரசிகர்களின் மத்தியில் நல்ல விமர்சனங்களை பெற்று வருகிறது.

இவரது நடிப்பில் தற்போது வரிசையாக பல படங்கள் தயாராகி வருகிறது. அதில் தற்போது திரைக்கு வர தயாராகிக் கொண்டிருக்கும் படம் தான் “நானே வருவேன்”. இப்படத்தில் நடிகர் தனுஷ் இரட்டை வேடங்களில் நடித்து இருக்கிறார். ரசிகர்களிடையேஅதிக எதிர்பார்ப்பை ஏற்படுத்தி இருக்கும் இப்படத்தின் புதிய போஸ்டரை தனுஷ் பிறந்த நாளை முன்னிட்டு நேற்றைய தினம் இப்படத்தின் போஸ்டரை தயாரிப்பாளர் தாணு வெளியிட்டார்.

நடிகர் தனுஷ் வித்தியாசமான ஹேர் ஸ்டைலுடன் கையில் வில்லம்பு, மாடர்ன் டிரஸ் என இருக்கின்றார். இதை நேற்று வெளியிட்ட தாணு, நாளை பிறந்தநாள் காணும் தனுஷ் மென்மேலும் பல உயரங்கள் தொட்டு சிறப்போடு வாழ என் பிறந்தநாள் வாழ்த்துக்கள் என பதிவிட்டிருந்தார். இவரது இந்த பதிவு தற்போது வைரலாகி வருகிறது.