உதயநிதி படத்தில் இணையும் பிக்பாஸ் பிரபலம்

உதயநிதி ஸ்டாலின் தற்போது இந்தியில் வெளியாகி பெரும் வரவேற்பை பெற்ற ‘ஆர்டிகிள் 15’ படத்தின் தமிழ் ரீமேக்கில் நடித்து வருகிறார். கொரோனா அச்சுறுத்தல் மற்றும் தமிழகத்தில் சட்டப்பேரவைத் தேர்தல் நடைபெறுவதால் தாமதமான இந்தப் படத்தின் படப்பிடிப்பு சமீபத்தில் பொள்ளாச்சியில் தொடங்கி நடைபெற்று வருகிறது. தேர்தல் முடிந்த கையோடு படப்பிடிப்பில் பங்கேற்று வருகிறார் உதயநிதி ஸ்டாலின்.

தமிழில் அருண்ராஜா காமராஜ் இயக்கும் இந்தப் படத்துக்கு இன்னும் பெயரிடப்படவில்லை. போனி கபூரின் பே வியூ மற்றும் ஜீ5 ஸ்டுடியோஸ் நிறுவனங்கள் இணைந்து இந்தப் படத்தை தயாரிக்கும் இத்திரைப்படத்தில் முக்கிய கதாபாத்திரத்தில் நடிகர் ஆரி அர்ஜூனன் நடிக்க இருப்பதாக தகவல் வெளியாகியுள்ளது.

இவர் சமீபத்தில் பிக்பாஸ் நிகழ்ச்சியில் கலந்து கொண்டு வெற்றி பெற்றார் என்பது குறிப்பிடத்தக்கது.