நீண்ட இடைவெளிக்குப் பிறகு அஜித்துடன் சேர்ந்து நடிக்கப் போகும் பிரபல நடிகை. வைரலாகும் தகவல்

தமிழ் சினிமாவின் முன்னணி நடிகராக வலம் வருபவர் அஜித் குமார். இவரது நடிப்பில் தற்போது விடாமுயற்சி என்ற திரைப்படம் உருவாகி வருகிறது.

மகிழ் திருமேனி இயக்கத்தில் உருவாக்கி வரும் இந்த படத்தை லைக்கா நிறுவனம் தயாரிக்க அனிருத் இசையமைத்து வருகிறார். நீண்ட இடைவெளிக்குப் பிறகு அஜித்துக்கு ஜோடியாக திரிஷா நடிக்கிறார்.

இந்தப் படத்தைத் தொடர்ந்து அஜித் அடுத்ததாக ஆதிக் ரவிச்சந்திரன் இயக்கத்தில் உருவாக உள்ள படத்தில் நடிக்க இருப்பதாகும் இதற்கான ஆரம்ப கட்டப் பணிகள் நடைபெற்று வருவதாகவும் ஏற்கனவே தகவல் வெளியானது.

இந்த நிலையில் தற்போது இப்படத்தில் அஜித் ஜோடியாக நடிகை தபு நடிக்க இருப்பதாக சொல்லப்படுகிறது. கண்டுகொண்டேன் கண்டுகொண்டேன் படத்தில் அஜித்துக்கு ஜோடியாக நடித்த இவர் 24 வருடங்களுக்கு பிறகு மீண்டும் அஜித்துடன் இணைய உள்ளார்.

அதுமட்டுமின்றி படத்தில் எஸ் ஜே சூர்யா மற்றும் அரவிந்த்சாமி ஆகியோரை நடிக்க வைக்க பேச்சு வார்த்தைகள் நடைபெற்று வருவதாகவும் தெரியவந்துள்ளது. இதனால் அஜித்தின் அடுத்த படம் வேற லெவல் கூட்டணியாக இருக்கும் என எதிர்பார்க்கலாம்.