தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் அடுத்ததாக வெளியாக உள்ள திரைப்படம் வாரிசு. வம்சி இயக்கத்தில் தமிழ் மற்றும் தெலுங்கு என இரண்டு மொழிகளில் இந்த திரைப்படம் உருவாகி உள்ளது.
மேலும் இந்த படத்தில் ராஷ்மிகா மந்தனா நாயகியாக நடிக்க பிரபு, சரத்குமார், பிரகாஷ்ராஜ், தெலுங்கு நடிகர் ஸ்ரீகாந்த், யோகி பாபு, நடிகர் ஷாம், ஜெயசுதா, குஷ்பூ, சங்கீதா, சம்யுக்தா என பலர் முக்கிய கதாபாத்திரங்களில் நடித்திருக்கின்றனர்.
ஏற்கனவே இந்த படத்தில் இருந்து தளபதி விஜயின் குரலில் ரஞ்சிதமே பாடல் வெளியாகி இருந்தது. இந்த நிலையில் இந்த படத்தில் இடம் பெற்றுள்ள பெப்பி பாடல் ஒன்றை நடிகர் சிம்பு பாடி இருப்பதாக தகவல்கள் வெளியாகி உள்ளன.
விரைவில் இது பற்றிய அதிகாரப்பூர்வ அறிவிப்பை எதிர்பார்க்கலாம். இதனால் ரசிகர்கள் மகிழ்ச்சி அடைந்துள்ளனர்.
