ஜீ தமிழ் தொலைக்காட்சியில் சிறுவர் பாடகர்களுக்கான புகழ்பெற்ற ரியாலிட்டி ஷோவான ‘சரிகமப லிட்டில் சாம்பஸ்’ சீசன் 4 சமீபத்தில் நிறைவடைந்தது. இந்த சீசனின் வெற்றியாளராக திவினேஷ் தேர்வு செய்யப்பட்டார். இறுதிப்போட்டியில் சிறப்பு விருந்தினராக நடிகர் சிவகார்த்திகேயன் கலந்து கொண்டு வெற்றியாளருக்கு 10 லட்சம் ரூபாய் பரிசுத் தொகையை வழங்கினார்.
இந்த நிகழ்ச்சியில் திவினேஷ் தனது குடும்ப சூழ்நிலை குறித்து பலமுறை உருக்கமாக பேசியிருந்தார். குறிப்பாக, தன்னை நிகழ்ச்சிக்கு அழைத்து வந்ததால் தனது தந்தை வேலையிலிருந்து நீக்கப்பட்டதாகவும், தனது தந்தைக்கு ஒரு சொந்த வாகனம் வாங்கித் தர வேண்டும் என்பது தனது மிகப்பெரிய கனவு என்றும் அவர் கூறியிருந்தார். திவினேஷின் இந்த ஆசை பலரது மனதையும் தொட்டது.
இந்நிலையில், பிரபல பின்னணி பாடகர் ஸ்ரீநிவாஸ் திவினேஷின் இந்த ஆசையை நிறைவேற்றும் விதமாக ஒரு நெகிழ்ச்சியான செயலை செய்துள்ளார். திவினேஷின் தந்தைக்கு சுமார் 6 லட்சம் ரூபாய் மதிப்புள்ள ஒரு புதிய காரை வாங்கி பரிசளித்துள்ளார் ஸ்ரீநிவாஸ். இந்த செய்தி திவினேஷ் மற்றும் அவரது குடும்பத்தினருக்கு பெரும் மகிழ்ச்சியை ஏற்படுத்தியுள்ளது.
சரிகமப மேடையில் திவினேஷின் திறமையையும், அவரது குடும்பத்தின் நிலையையும் அறிந்த ஸ்ரீநிவாஸ், உடனடியாக உதவிக்கரம் நீட்டியது பலராலும் பாராட்டப்படுகிறது. சிறு வயதிலேயே இவ்வளவு பெரிய கனவுடன் இருக்கும் திவினேஷுக்கு இது ஒரு பெரிய ஊக்கத்தையும், அவரது குடும்பத்திற்கு ஒரு நிம்மதியையும் அளித்துள்ளது. ஸ்ரீநிவாஸின் இந்த கருணை உள்ளத்திற்கு ரசிகர்கள் மற்றும் பொதுமக்கள் தங்களது வாழ்த்துக்களை தெரிவித்து வருகின்றனர். திவினேஷின் கனவை நனவாக்கிய ஸ்ரீநிவாஸுக்கு மனமார்ந்த நன்றிகள்!
Srinivas is fulfilled the dream of Divinesh