அஜித் படத்தில் இணைந்த முன்னணி நகைச்சுவை நடிகர்

‘நேர்கொண்ட பார்வை’ படத்துக்கு பிறகு மீண்டும் வினோத் இயக்கத்தில் அஜித் நடித்து வருகிறார். இந்த படத்துக்கு ‘வலிமை’ என்று பெயரிட்டுள்ளனர். போனிகபூர் தயாரிக்கிறார். இதன் படப்பிடிப்பு விறுவிறுப்பாக நடைபெற்று வருகிறது. இப்படத்தில் அஜித் தவிர வேறு யாரெல்லாம் நடிக்கிறார்கள் என்பது இதுவரை அதிகாரப்பூர்வமாக அறிவிக்கப்படவில்லை.

அதிரடி சண்டை படமாக தயாராகும் இதில், அஜித்குமார் போலீஸ் அதிகாரி கதாபாத்திரத்தில் நடிப்பதாக தகவல் வெளியாகியுள்ளது. பைக் ரேஸ் மற்றும் கார் ரேஸ் காட்சிகளும் இப்படத்தில் இடம்பெறுகின்றன. வலிமை படம் வருகிற தீபாவளி பண்டிகைக்கு திரைக்கு வருகிறது.

இந்நிலையில், முன்னணி காமெடி நடிகரான யோகிபாபு வலிமை படத்தில் நடிக்க ஒப்பந்தமாகியுள்ளார். இதுகுறித்த தகவலை அவர் தனது டுவிட்டர் பக்கத்தில் பகிர்ந்துள்ளார். இவர் அஜித்துடன் இணைந்து நடிக்கும் இரண்டாவது படம் இதுவாகும். ஏற்கனவே விஸ்வாசம் படத்தில் அஜித்துடன் யோகிபாபு இணைந்து நடித்திருந்தது குறிப்பிடத்தக்கது.