ரசிகருக்கு பதில் அளித்து நெகிழ்ச்சி அடைய வைத்த யுவன் ஷங்கர் ராஜா

தனது தந்தையே போலவே, இசையில் தனக்கென ஒரு பாணி அமைத்து, கோடிக்கணக்கான ரசிகர்களை சம்பாதித்துள்ளார் யுவன். சிம்புவின் மாநாடு, அஜித்தின் வலிமை, மன்னவன் வந்தானடி, மாமனிதன் உள்ளிட்ட பல படங்களுக்கு யுவன் சங்கர் ராஜா இசையமைத்து வருகிறார்.

இவர் அவ்வப்போது தன்னுடைய ரசிகர்களின் கமெண்டுகளுக்கு பதிலளித்து வருவார். தற்போது ஒரு புகைப்படத்திற்கு கீழே ரசிகர் ஒருவர் “தல மூணு மாசமாக கேக்கிறேன், ப்ளீஸ் ஒரு லவ் யூ ப்ரோ சொல்லுங்க” என பதிவிட்டிருந்தார். இதற்கு யுவனும் “லவ் யூ ப்ரோ” என ரிப்ளை செய்துள்ளார். யுவனின் இந்த செயலுக்கு ரசிகர்கள் மத்தியில் பாராட்டுக்கள் வந்த வண்ணம் உள்ளது.