பிக்பாஸ் பிரபலத்துடன் பாம்பாட்டம் ஆடும் ஜீவன்

ஓரம்போ, வாத்தியார், 6.2 போன்ற படங்களை தயாரித்த வைத்தியநாதன் பிலிம் கார்டன் பட நிறுவனம் சார்பில் வி.பழனிவேல் தமிழ், தெலுங்கு, மலையாளம், கன்னடம், ஹிந்தி என ஐந்து மொழிகளில் பிரமாண்டமாக தயாரிக்கும் படம் ‘பாம்பாட்டம்’.

நான் அவன் இல்லை படத்தின் மூலம் ரசிகர்கள் மனதில் நீங்கா இடம்பிடித்த ஜீவன் இதில் கதாநாயகனாக நடிக்கிறார். இதில் இவருக்கு இரட்டை வேடம். கதாநாயகிகளாக டகால்டி படத்தில் நடித்த ரித்திகா சென், பிக்பாஸ் யாஷிகா ஆனந்த் இருவரும் நடிக்கிறார்கள்.

முக்கியமான இளவரசி கதாபாத்திரத்தில் மல்லிகா ஷராவத் நடிக்கிறார். மற்றும் ஐந்து மொழிகளிலிருந்தும் 20 க்கும் மேற்பட்ட முக்கிய நடிகர்கள் நடிக்கிறார்கள். இப்படத்திற்கு இனியன் ஜே ஹாரீஸ் ஒளிப்பதிவு செய்ய, அம்ரிஷ் இசையமைக்கிறார்.

1800, 1947, 1990 என மூன்று கால கட்டங்களில் நடக்கும் வரலாற்றுக் கதையை இயக்குனர் வி.சி.வடிவுடையான் இயக்குகிறார். இப்படத்தின் படப்பிடிப்பு இன்று பூஜையுடன் தொடங்கியுள்ளது.