Categories: NewsTamil Newsசினிமா செய்திகள்

‘நடிகன்’ படம் ரீமேக்கில் விஜய்?

Vijay in 'Nadigan' remake

வெற்றி பெற்ற படங்களை ரீமேக் செய்வதில் இயக்குனர்கள் ஆர்வம் காட்டுகின்றனர். ஏற்கனவே ஜெமினி கணேசன் நடித்த நான் அவனில்லை, ரஜினிகாந்தின் மாப்பிள்ளை, பில்லா, தில்லுமுல்லு ஆகிய படங்கள் ரீமேக் செய்யப்பட்டு உள்ளன.

இந்த வரிசையில் பி.வாசு இயக்கத்தில் சத்யராஜ், கவுண்டமனி, மனோரமா ஆகியோர் நடித்து 1990-ல் திரைக்கு வந்து வரவேற்பை பெற்ற நடிகன் படத்தை ரீமேக் செய்யும் முயற்சி நடப்பதாக ஏற்கனவே தகவல் வெளியானது. நடிகன் ரீமேக்கையும் பி.வாசுவே இயக்க இருப்பதாகவும், சிறிய மாற்றங்களுடன் இதற்கான திரைக்கதையை அவர் தயார் செய்து விட்டதாகவும் கூறப்பட்டது.

நடிகன் படத்தின் ரீமேக்கில் விஜய்யை நடிக்க வைக்க பி.வாசு விரும்பினார். இதற்கான பேச்சுவார்த்தைகள் தற்போது தீவிரமாகி இருப்பதாகவும், விஜய்யுடன் இதுகுறித்து பேசி சம்மதிக்க வைக்க முயற்சிகள் நடப்பதாகவும் தகவல் பரவி உள்ளது.

லாரன்ஸ் நடிக்கும் சந்திரமுகி 2-ம் பாகம் படத்தை பி.வாசு இயக்க உள்ளார். கொரோனாவால் இதன் படப்பிடிப்பை தொடங்குவதில் தாமதம் ஏற்பட்டு உள்ளது.