பிறந்தநாளில் பிகில் பட நடிகைக்கு சர்ப்ரைஸ் கொடுத்த காதலர்

அட்லி இயக்கத்தில் விஜய் நடிப்பில் வெளியான படம் ‘பிகில்’. இந்த படத்தில் அனிதா என்ற கதாபாத்திரத்தில் ஆசிட் வீச்சுக்கு உள்ளான பெண்ணாக நடித்தவர் ரெபா மோனிகா ஜான். இவர் நேற்று தனது பிறந்த நாளைக் கொண்டாடினார்.

இந்த கொண்டாட்டத்தில் தனது நீண்டகால நண்பரான ஜோய்மோனை நிச்சயதார்த்தம் செய்து கொண்டார் ரெபா மோனிகா ஜான். துபாயில் நடந்த பிறந்தநாள் விழாவில் திடீரென ஒரு இளைஞன் தனது காதலை வெளிப்படுத்தி, நடிகையை ஆச்சரியப்படுத்தினார். ரெபாவும் அந்த புரோபோசலுக்கு உடனே ஓகே சொல்லி விட்டார்.

லாக் டவுனால் ரெபாவை சந்திக்க முடியவில்லை என்றும், கிட்டத்தட்ட ஆறு மாதங்களுக்குப் பிறகு தான் அவரைப் பார்த்து உடனடியாக புரொபோஸ் செய்ய முடிவு செய்ததாகவும் ஜோய்மோன் தனது சமூக வலைதளங்களில் குறிப்பிட்டுள்ளார்.