பிசினஸில் மாஸ் காட்டும் லியோ. எதிர்பார்ப்பை எகிற வைக்கும் அப்டேட்

தமிழ் சினிமாவில் பிரபல நடிகராக வலம் வருபவர் தளபதி விஜய். இவரது நடிப்பில் வெளியான வாரிசு படத்தை தொடர்ந்து தற்போது லோகேஷ் கனகராஜ் இயக்கத்தில் உருவாகி வரும் லியோ என்ற படத்தில் நடித்து வருகிறார்.

இந்த படத்தின் படப்பிடிப்புகள் விறுவிறுப்பாக நடைபெற்று வருகிறது. படம் எப்போது ரிலீஸ் ஆகும் என்பது குறித்து அறிவிப்புகள் விஜயின் பிறந்த நாளான ஜூன் 22 ஆம் தேதி வெளியாகும் என எதிர்பார்க்கப்படுகிறது.

இந்த நிலையில் இந்த படத்தின் பிசினஸ் குறித்த தகவல் ஒன்று வெளியாகி உள்ளது. இதுவரை இல்லாத அளவிற்கு தளபதி விஜய் லியோ திரைப்படம் கிட்டத்தட்ட 400 கோடி ரூபாய்க்கு பிசினஸ் ஆகி உள்ளதாக சொல்லப்படுகிறது.

இதன் மூலம் தளபதி விஜய்யின் மார்க்கெட் உச்சம் தொட்டுள்ளது என ரசிகர்கள் கொண்டாடி வருகின்றனர். மேலும் தனது படங்களுக்கான மார்க்கெட் மதிப்பு அதிகரித்ததன் காரணமாகவே இவர் வெங்கட் பிரபு இயக்கத்தில் நடிக்க உள்ள படத்திற்கு 200 கோடி ரூபாய் சம்பளம் வாங்குவதாக கோலிவுட் வட்டாரங்களில் இருந்து தகவல்கள் வெளியாகி உள்ளன.