“உன்னை என்றுமே மறக்க முடியாது” இறந்த தங்கை புகைப்படம் வெளியிட்டு சிம்ரன் போட்ட பதிவு

தென்னிந்திய சினிமாவில் பிரபல நடிகையாக வலம் வருபவர் சிம்ரன். பல்வேறு நடிகர்களுக்கு ஜோடியாக பல படங்களில் நடித்துள்ள இவர் தற்போதும் நாயகியாக படங்களில் நடித்து வருகிறார்.

நடிகை சிம்ரன் போல அவரது தங்கை மோனல் தமிழ் சினிமாவில் சில படங்களில் நடித்துள்ளார். இவரும் திறமையான நடிகையாக வலம் வந்த நிலையில் எதிர்பாராத நேரத்தில் சில காரணங்களால் தற்கொலை செய்து கொண்டு மரணம் அடைந்தார்.

இவர் உயிரிழந்து பல வருடங்கள் ஆகியும் ரசிகர்கள் இன்று வரை மறக்காமல் இருந்து வருகின்றனர். தங்கையுடன் சிறு வயது மற்றும் இளம் வயதில் எடுத்துக் கொண்ட புகைப்படத்தை வெளியிட்டு உன்னை என்றுமே மறக்க முடியாது என பதிவு செய்துள்ளார்.

சிம்ரன் வெளியிட்ட இந்த புகைப்படம் இணையத்தில் வைரலாகி வருகிறது.