ஜெயிலர் பட டைட்டிலுக்கு வந்த சிக்கல்.. அதிர்ச்சியில் பட குழு

தமிழ் சினிமாவின் சூப்பர் ஸ்டாராக வலம் வருபவர் ரஜினிகாந்த். இவரது நடிப்பில் அண்ணாத்த திரைப்படம் வெளியானதை தொடர்ந்து அடுத்ததாக நெல்சன் திலீப்குமார் இயக்கத்தில் உருவாக உள்ள ஜெயிலர் என்ற படத்தில் நடிக்கிறார்.

சன் பிக்சர்ஸ் நிறுவனத்தின் தயாரிப்பில் உருவாகும் இந்த படத்தின் படப்பிடிப்புகள் சில தினங்களுக்கு முன்னர் தொடங்கி விறுவிறுப்பாக நடந்து வருகின்றன. இந்த நிலையில் இந்த படத்தின் டைட்டில் குறித்து சில தகவல்கள் வெளியாகி உள்ளன.

அதாவது ஜெயிலர் என்ற பெயரில் ஏற்கனவே மலையாளத்தில் திரைப்படம் உருவாகி உள்ளதாக சொல்லப்படுகிறது. ஆனால் இந்த படம் ரிலீஸ் ஆகவில்லை. அதேபோல் ஹாலிவுட்டிலும் இதே தலைப்பில் ஒரு திரைப்படம் இருப்பதாக சொல்லப்படுகிறது.

மேலும் இந்த படத்தில் நெல்சன் தன்னுடைய பழைய படங்களின் சில காட்சிகளை இடம் பெற வைக்க போவதாக தகவல் வெளியாகி உள்ளது. இந்தப் படத்துக்கு அனிருத் இசை அமைக்கிறார் சிவகார்த்திகேயனும் நிச்சயம் ஏதோ ஒரு வகையில் இந்த படத்தில் பணியாற்றுவார் என எதிர்பார்க்கப்படுகிறது.

ஏற்கனவே ஜெயிலர் என்ற பெயரில் இரண்டு படங்கள் இருப்பதால் இந்த படத்தின் டைட்டில் மாற்றப்படுமா என்ற கேள்வி ரசிகர்கள் மத்தியில் எழுந்துள்ளது.