ஜெயலலிதா வேடத்திற்காக எதிர்கொண்ட சவால் என்ன? – நடிகை கங்கனா சொல்கிறார்

மறைந்த முன்னாள் முதல்வர் ஜெயலலிதாவின் வாழ்க்கை வரலாற்றைத் தழுவி ‘தலைவி’ என்ற திரைப்படம் உருவாகி இருக்கிறது. ஏ.எல்.விஜய் இயக்கியுள்ள இப்படத்தில் ஜெயலலிதா வேடத்தில் கங்கனா ரணாவத் நடித்துள்ளார்.

இப்படம் ரிலீசுக்கு தயாராகி வருகிறது. தலைவி படம் வருகிற ஏப்ரல் 23-ந் தேதி தமிழ், தெலுங்கு, இந்தி ஆகிய 3 மொழிகளில் வெளியாக உள்ளது. இப்படத்திற்கு ஜிவி பிரகாஷ் இசையமைத்துள்ளார்.

இந்நிலையில், தலைவி படத்திற்காக தான் எதிர்கொண்ட சவால்கள் குறித்து கங்கனா தெரிவித்துள்ளார். அவர் பதிவிட்டுள்ளதாவது: “தலைவி படத்தின் டிரெய்லர் வெளியீட்டிற்கு இன்னும் ஒரு நாள்தான் உள்ளது.

இந்த பயோபிக்கை படமாக்கும் போது நான் எதிர் கொண்ட ஒரே சவால், 20 கிலோ எடை கூடியதும், பின் சில மாதங்களில் எடை குறைத்ததும் தான்.” எனக் குறிப்பிட்டு படத்தின் சில புகைப்படங்களையும் வெளியிட்டுள்ளார்.