மாஸ்டர் திரைப்படத்தின் ரிலீஸ் அறிவிக்கப்பட்டுவிட்டதா?

பிகில் திரைப்படத்தின் பிரம்மாண்ட வெற்றிக்கு பின் தளபதி விஜய் நடித்த திரைப்படம் மாஸ்டர். இப்படத்தில் அவருடன் நடிகர் விஜய் சேதுபதியும் நடித்துள்ளார்.

மாநகரம் மற்றும் கைதி போன்ற தரமான திரைப்படங்களை இயக்கிய லோகேஷ் கனகராஜ் மாஸ்டர் திரைபடத்தை இயக்கியுள்ளதால், ரசிகர்களிடையே மிக பெரிய எதிர்பார்ப்பு எழுந்துள்ளது.

கத்தி திரைப்படத்திற்கு பின் இசையமைப்பாளர் அனிருத் தளபதி விஜயுடன் மீண்டும் இணைத்துள்ளார். மேலும் இப்படத்தின் பாடல்கள் அனைத்தும் நல்ல வரவேற்பை பெற்றுள்ளது.

இந்நிலையில் கடந்த ஏப்ரல் மதம் 9 ஆம் தேதி வெளியாகவிருந்த மாஸ்டர் திரைப்படம் கொரோனாவால் தள்ளி போனது. இதனை தொடர்ந்து நடிகர் விஜய்யின் பிறந்தநாளில் வெளியாகும் எனவும் கூறப்பட்டது.

ஆனால் தற்போது வரும் நவம்பர் மாதம் 14ஆம் தேதி தீபாவளி அன்று வெளியாகும் என கூறப்படுகிறது. இதற்கு முன் விஜய் நடிப்பில் தீபாவளி அன்று வெளியான பிகில் திரைப்படம் மிக பெரிய வெற்றியடைந்தது குறிப்பிடத்தக்கது.