கங்குவா படத்தின் கிளிம்ப்ஸ் வீடியோ ரிலீஸ் எப்போது? படக்குழு கொடுத்த தரமான தகவல்

தமிழ் சினிமாவில் முன்னணி நடிகராக திகழும் நடிகர் சூர்யா தற்போது சிறுத்தை சிவா இயக்கத்தில் உருவாகி வரும் “கங்குவா” திரைப்படத்தில் நடித்து வருகிறார். வரலாற்று பாணியில் உருவாகி வரும் இப்படத்தில் பாலிவுட் நடிகை திஷா பத்தானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடிக்கின்றனர்.

ஸ்டூடியோ கிரீன் நிறுவனம் தயாரிப்பில் தேவி ஸ்ரீ பிரசாத் இசையமைப்பில் 3டி தொழில்நுட்பத்துடன் 10 மொழிகளில் வெளியாக இருக்கும் இப்படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டரை சமீபத்தில் படக்குழு வெளியிட்டு ரசிகர்களை உற்சாக படுத்தியது. மேலும் இப்படத்தின் கிளிம்ப்ஸ் வீடியோ சூர்யாவின் பிறந்த நாளான வரும் ஜூலை 23-ஆம் தேதி வெளியாகவுள்ளதாக படக்குழு ஸ்பெஷல் போஸ்டர்களுடன் சில தினங்களுக்கு முன்பு அறிவித்திருந்தது.

இந்த போஸ்டர்கள் இணையதளத்தில் பயங்கரமாக வைரலாகி வரும் நிலையில் நாளை சூர்யாவின் பிறந்தநாள் என்பதால் தற்போது மீண்டும் ஒரு புதிய போஸ்டரை வெளியிட்டு கங்குவா திரைப்படத்தின் கிளிம்ப்ஸ் வீடியோ நள்ளிரவு 12:01க்கு வெளியாக இருப்பதாக அறிவித்துள்ளது. தற்போது இந்த தகவலும் இணையத்தில் வைரலாகி வருகிறது.