ஜப்பான் படம் குறித்து வெளியான லேட்டஸ்ட் தகவல்.. எதிர்பார்ப்பில் ரசிகர்கள்

“இயக்குனர் ராஜு முருகன் இயக்கத்தில் நடிகர் கார்த்தி கதாநாயகனாக நடித்துள்ள திரைப்படம் ‘ஜப்பான்’. இதில் கதாநாயகியாக ‘துப்பறிவாளன்’, ‘நம்மவீட்டு பிள்ளை’ போன்ற படங்களில் நடித்த அனு இமானுவேல் நடித்துள்ளார். இப்படத்திற்கு ஜி.வி.பிரகாஷ் இசையமைக்க ட்ரீம் வாரியர் பிக்சர்ஸ் தயாரித்துள்ளது. ‘ஜப்பான்’ திரைப்படம் தீபாவளியன்று திரையரங்குகளில் வெளியாகவுள்ளது.இதையடுத்து ‘ஜப்பான்’ திரைப்படத்தின் டிரைலர் வெளியீட்டு விழா இன்று நேரு உள்விளையாட்டரங்கில் நடைபெறவுள்ளது.

இதனை படக்குழு அதிகாரப்பூர்வமாக அறிவித்திருந்தனர். இந்நிலையில், இந்த டிரைலர் வெளியீட்டு விழாவில் கலந்து கொள்ளும் பிரபலங்கள் குறித்த தகவல் வெளியாகியுள்ளது.அதன்படி, இந்த நிகழ்ச்சியில், சூர்யா, ஜெயம் ரவி, விஷால், மணிரத்னம், லோகேஷ் கனகராஜ், எச்.வினோத் மற்றும் இதுவரை கார்த்தி நடித்த படங்களின் இயக்குனர்கள் கலந்து கொள்ளவுள்ளதாக கூறப்படுகிறது. ‘ஜப்பான்’ திரைப்படத்தின் டிரைலர் இன்று இரவு 10 மணிக்கு வெளியாகவுள்ளது குறிப்பிடத்தக்கது.”,