ஜெயிலர் படத்தில் இணைந்த பிரபலம்.. வைரலாகும் தகவல்

இந்திய திரை உலகில் சூப்பர் ஸ்டாராக திகழ்ந்து கொண்டிருக்கும் நடிகர் ரஜினிகாந்த் அண்ணாத்த படத்தின் வெற்றியை தொடர்ந்து இயக்குனர் நெல்சன் இயக்கத்தில் உருவாகும் “ஜெயிலர்” திரைப்படத்தில் தனது 169 வது படத்தை நடித்து வருகிறார். அனிருத் இசையமைப்பில் உருவாகும் இப்படத்தை சன் பிக்சர்ஸ் நிறுவனம் தயாரித்து வருகிறது.

இப்படத்தில் ரஜினியுடன் இணைந்து ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் இணைந்துள்ளதாக அதிகாரவபூர்வமான அறிவிப்பு சமீபத்தில் வெளியானது. தற்போது இப்படத்தில் இணைந்திருக்கும் புதிய கதாபாத்திரம் குறித்து தகவல் வெளியாகியுள்ளது.

அதாவது 80ஸ் காலகட்டத்தின் இறுதியில் அறிமுகமாகி பல திரைப்படங்களில் ஹீரோவாக நடித்திருந்தாலும் பருத்திவீரனில் சித்தப்பு கதாபாத்திரத்தின் மூலம் அனைவருக்கும் பரிச்சயமான நடிகர் சரவணன் இப்படத்தில் இணைந்துள்ளார் என்ற தகவல் வெளியாகி உள்ளது. சிறுவயதிலிருந்து தீவிரமான ரஜினி ஃபேனாக இருந்த சரவணன் இப்படத்தில் இணைந்திருப்பது அவருக்கு மட்டுமின்றி அனைவருக்கும் மகிழ்ச்சியை ஏற்படுத்தியுள்ளது.