ஜெயிலர் படத்தின் சண்டை இயக்குனர் இவர் தான்.. வைரலாகும் தகவல்

நடிகர் ரஜினிகாந்த் தற்போது நெல்சன் திலிப் குமார் இயக்க இருக்கும் ஜெயிலர் திரைப்படத்தில் நடிக்க உள்ளார். அனிருத் இசை அமைப்பில் உருவாகும் இப்படத்தில் தமன்னா, பிரியங்கா அருள் மோகன், ரம்யா கிருஷ்ணன், யோகி பாபு போன்ற பல முன்னணி நட்சத்திரங்கள் இணைந்துள்ளனர்.

இது குறித்த அதிகாரவபூர்வமான தகவல் ஏற்கனவே வெளியாகி இருந்த நிலையில் ஜெயிலர் படத்தின் படப்பிடிப்பு இன்று துவங்கப்பட உள்ளதாக பர்ஸ்ட் லுக் போஸ்டர் உடன் சன் பிக்சர்ஸ் நிறுவனம் ட்விட்டர் பக்கத்தில் நேற்று அறிவித்திருந்தது. அதனைப் பார்த்து ரசிகர்கள் உற்சாகமடைந்து இருந்தனர்.

இந்நிலையில் இப்படம் குறித்த புதிய தகவல் ஒன்று வெளியாகி உள்ளது. அதன்படி ஜெயிலர் திரைப்படத்தில் சண்டை இயக்குனராக ஸ்டண்ட் சிவா மற்றும் அவரது மகன்கள் கெவின் ஸ்டீவன் ஆகியோர் பணியாற்றவுள்ளதாக புதிய தகவல் புகைப்படத்துடன் வெளியாகியுள்ளது. அது தற்போது வைரலாகி வருகிறது.