Categories: NewsTamil Newsசினிமா செய்திகள்

கவுதம் மேனனின் ஆந்தாலஜி படத்தில் சூர்யாவுக்கு ஜோடி யார் தெரியுமா?

Do you know who Surya is paired with in the anthology film

கொரோனாவால் கடும் பாதிப்பை சந்தித்துள்ள திரையுலகிற்கு நிதி திரட்டும் நோக்கில் ‘நவரசா’ என்கிற ஆந்தாலஜி படம் உருவாகி வருகிறது. நவரசங்களை அடிப்படையாக கொண்டு உருவாகும் இந்த ஆந்தாலஜி படத்தை 9 இயக்குனர்கள் இயக்குகின்றனர்.

அதில் கவுதம் மேனன் இயக்கும் குறும்படத்தில் சூர்யா நாயகனாக நடித்துள்ளார். இதன்மூலம் வாரணம் ஆயிரம் படத்திற்கு பிறகு சுமார் 12 ஆண்டுகள் கழித்து இவர்கள் இணைந்துள்ளனர். இந்த குறும்படத்திற்கு பி.சி.ஸ்ரீராம் ஒளிப்பதிவு செய்துள்ளார்.

இந்நிலையில் இந்த குறும்படத்தில் சூர்யாவுக்கு ஜோடியாக மலையாள திரையுலகில் பிசியான நடிகையாக வலம்வரும் பிரயாகா மார்டின் நடித்துள்ளதாக தகவல் வெளியாகி உள்ளது. இவர் ஏற்கனவே தமிழில் மிஷ்கின் இயக்கத்தில் வெளியாகி வெற்றிபெற்ற பிசாசு படத்தில் நடித்திருந்தார் என்பது குறிப்பிடத்தக்கது.