மனைவிக்கு வாழ்த்துக் கூறிய உதயநிதி.. கிருத்திகா சொன்ன பதில்.. வைரலாகும் தகவல்

நடிகர் உதயநிதி ஸ்டாலினின் மனைவி கிருத்திகா உதயநிதி ‘வணக்கம் சென்னை’ என்ற படத்தின் மூலம் இயக்குனராக தமிழ் சினிமாவிற்கு அறிமுகமானார். இப்படத்தின் வெற்றியை தொடர்ந்து இயக்குனர் கிருத்திகா தற்போது “பேப்பர் ராக்கெட்” என்ற வெப் சீரிஸ் இயக்கியுள்ளார். இதில் ஹீரோவாக நடிகர் காளிதாஸ் ஜெயராம் நடிக்க நடிகை தன்யா ரவிச்சந்திரன் ஹீரோயினாக நடித்துள்ளார்.

மேலும் கௌரி கிஷன், ரேணுகா கருணாகரன், நிர்மல் பலழி, பூர்ணிமா பாக்யராஜ், ஜிஎம் குமார், சின்னி ஜெயந்த், விஜி சந்திரசேகர், லவ்லின் சந்திரசேகர் உள்ளிட்டோரும் இந்தப் படத்தில் முக்கிய கதாபாத்திரத்தில் நடித்துள்ளனர். பேப்பர் ராக்கெட் என்று தலைப்பு வைக்கப்பட்டிருக்கும் இப்படம் முழுக்க டிராவலிங் கதைக்களத்தை கொண்டுள்ளது.

இந்த வெப் சீரிஸ் Zee5 தளத்தில் நேரடியாக நேற்று வெளியாகி உள்ளது. இந்நிலையில் இது குறித்து நடிகர் உதயநிதி தனது மனைவிக்கு வாழ்த்து கூறும் விதமாக “என் இயக்குனர் கிருத்திகா வின், பேப்பர் ராக்கெட் வெப் சீரிஸுக்கு வாழ்த்துக்கள்”. மேலும் சூப்பரான எழுத்து மற்றும் இயக்க என பணியாற்றிய படகுழுவினருக்கும் எனது வாழ்த்துக்கள் கூறி அடுத்த சீசனுக்காக காத்திருக்கிறேன் என்று பதிவிட்டிருக்கிறார். அதற்கு பதிலளித்துள்ள கிருத்திகா, “என்னை ஒரு ட்ரிப் கூட்டிச் செல்லுங்கள். அதுவே பேப்பர் ராக்கெட் சீசன் 2 ஆக இருக்கும்.” என்று தெரிவித்துள்ளார். இந்த பதிவுகள் தற்போது வைரலாகி வருகிறது.