எல்லோரையும் போல் நானும் நம்புகிறேன் – தனுஷ்

கார்த்திக் சுப்புராஜ் இயக்கத்தில் தனுஷ் நடித்துள்ள படம் ஜகமே தந்திரம். இப்படத்தை நேரடியாக ஓடிடி-யில் வெளியிட இருப்பதாக செய்திகள் வெளியானது. தயாரிப்பு தரப்பின் இந்த முடிவால் தனுஷ் மற்றும் இயக்குனர் கார்த்திக் சுப்புராஜ் அதிருப்தியில் இருப்பதாகவும் கூறப்பட்டது.

இந்நிலையில், ரசிகர்களும் ஓடிடி வெளியீட்டிற்கு எதிர்ப்பு தெரிவித்து வருவதால், படத்தை ஓடிடி-யில் வெளியிடும் தினத்தன்றே தியேட்டர்களிலும் வெளியிடலாமா என தயாரிப்பாளர் யோசித்து வருவதாக தகவல் வெளியானது.

இந்நிலையில் நடிகர் தனுஷ், எல்லோரையும் போல் நானும் ’ஜகமே தந்திரம்’ தியேட்டரில் வரும் என நம்புகிறேன் என்று சமூக வலைத்தளத்தில் பதிவு செய்து இருக்கிறார்.