சந்திரமுகி 2 படத்தில் இணைந்த பிரபல நடிகை. புகைப்படத்துடன் பதிவை வெளியிட்ட படக்குழு

இயக்குனர் பி.வாசு அவர்களின் இயக்கத்தில் சூப்பர் ஸ்டார் ரஜினிகாந்தின் நடிப்பில் 2005-ஆம் ஆண்டில் வெளியான மாபெரும் வெற்றியடைந்த திரைப்படம் தான் “சந்திரமுகி”. தற்போது இப்படத்தின் இரண்டாம் பாகம் விறுவிறுப்பாக உருவாகி வருகிறது. இதில் கதாநாயகனாக ராகவா லாரன்ஸ் நடிக்க முக்கிய கதாபாத்திரத்தில் வைகைப்புயல் வடிவேலு, ராதிகா சரத்குமார், மனோபாலா ஆகியோர் நடித்து வருகின்றனர்.

லைக்கா நிறுவனத்தின் தயாரிப்பில் உருவாகி வரும் இப்படத்திற்கு எம் எம் கீரவாணி இசையமைத்து வருகிறார். தற்போது இப்படத்தில் இணைந்துள்ள புதிய கதாபாத்திரம் குறித்த அறிவிப்பை படக்குழு வெளியிட்டுள்ளது. அதன்படி, தமிழில் ஜெயம் ரவியின் தாம் தூம் திரைப்படத்தின் மூலம் அறிமுகமாகி அனைவருக்கும் பரிச்சயமான பிரபல பாலிவுட் முன்னணி நடிகை கங்கனா ரனாவத் இணைந்திருப்பதாக படக்குழு அதிகாரிவபூர்வமான தகவலை வெளியிட்டுள்ளது. அது தற்போது வைரலாகி வருகிறது.