சார்பட்டா 2 படத்தின் ஷூட்டிங் எப்போது? வைரலாகும் சூப்பர் தகவல்

தமிழ் சினிமாவில் பிரபல முன்னணி இயக்குனர்களில் ஒருவராக வலம் வருபவர் பா.ரஞ்சித் இவர் தற்போது விக்ரம் நடிப்பில் மிகுந்த எதிர்பார்ப்புகளுக்கு மத்தியில் உருவாகி வரும் தங்கலான் திரைப்படத்தை இயக்கி வருகிறார். இப்படத்தின் படப்பிடிப்பு பணிகள் இறுதி கட்டத்தை நெருங்கி வரும் நிலையில் இப்படத்தை தொடர்ந்து இயக்குனர் பா.ரஞ்சித் அடுத்ததாக இயக்க இருக்கும் சார்பட்டா திரைப்படத்தின் இரண்டாம் பாகம் குறித்த அப்டேட் வைரலாகி வருகிறது.

அதாவது பா.ரஞ்சித் இயக்கத்தில் வெளியான சார்பட்டா பரம்பரை திரைப்படத்தின் முதல் பாகம் ரசிகர்கள் மத்தியில் நல்ல வரவேற்பை பெற்றிருந்ததை தொடர்ந்து இப்படத்தின் இரண்டாம் பாகத்தை உருவாக்க இருப்பதாக சமீபத்தில் படக்குழு அதிகாரபூர்வமாக அறிவித்திருந்தது.

அதன் பிறகு இப்படம் தொடர்பான எந்த ஒரு தகவலும் வெளியாகாமல் இருந்த நிலையில் இப்படத்தின் படப்பிடிப்பு இந்த ஆண்டு இறுதியில் தொடங்கும் என்ற புதிய அப்டேட்டை நடிகர் ஆர்யா சமீபத்தில் அளித்த பேட்டியில் தெரிவித்திருக்கிறார். அது தற்போது ரசிகர்களை உற்சாகப்படுத்தி வைரலாகி வருகிறது.