பிரபல இயக்குனர் படத்தில் கதாநாயகனாக நடிக்கும் அர்ஜுன் தாஸ்

லோகேஷ் கனகராஜ் இயக்கிய கைதி திரைப்படத்தில் நடிகர் அர்ஜுன் தாஸ் தனது அற்புதமான நடிப்பால் அனைவரையும் கவர்ந்தார். கைதியின் வெற்றியைத் தொடர்ந்து, அறிமுக இயக்குநர் விக்னராஜன் இயக்கத்தில் வெளியான அந்தகாரம் படமும் அர்ஜுன் தாஸுக்கு நல்ல பெயரை ஏற்படுத்திக்கொடுத்தது.

சமீபத்தில், லோகேஷ் கனகராஜ் இயக்கத்தில் விஜய் நடிப்பில் வெளியான மாஸ்டர் படத்திலும் அர்ஜுன் தாஸ் ஒரு முக்கியமான கதாபாத்திரத்தில் நடித்தார்.

கைதி, அந்தகாரம் மற்றும் மாஸ்டர் என வரிசையாக நல்ல படங்களில் நடித்திருந்த அர்ஜுன் தாஸ் தற்போது இயக்குனர் வசந்தபாலன் இயக்கும் புதிய படத்தில் கதாநாயகனாக நடிக்க இருக்கிறார்.

அர்பன் பாய்ஸ் ஸ்டூடியோஸ் என்ற பெயரில் புதிய தயாரிப்பு நிறுவனத்தைத் தொடங்கியுள்ள வசந்தபாலன் மற்றும் அவரது நண்பர்கள் இப்படத்தை தயாரிக்கின்றனர்.