நயன்தாராவின் வளர்ச்சிக்கு ரஜினி, அஜித், விஜய் தேவைப்பட்டார்கள்! – ஆண்ட்ரியாவின் அதிரடி பேச்சு

தமிழ் சினிமாவில் சரியான கதைகளை தேர்ந்தெடுத்து நடித்து வரும் முன்னணி கதாநாயகிகளில் மிகவும் முக்கியமான ஒருவர் நடிகை ஆண்ட்ரியா.

இவர் நடிக்கும் ஒவ்வொரு படத்தின் கதையும் தனித்துவம் வாய்ந்த கதைகளாக இருக்கும். அப்படி இவர் நடிப்பில் வெளியான திரைப்படங்கள் தான் ஆயிரத்தில் ஒருவன், விஸ்வரூபம், வடசென்னை, தரமணி.

அதே போல் தற்போது தமிழ் சினிமாவின் முன்னணி நட்சத்திரமான தளபதி விஜய் நடித்துள்ள மாஸ்டர் திரைப்படத்திலும் மிக முக்கியான கதாபாத்திரத்தில் நடித்துள்ளார் ஆண்ட்ரியா.

சமீபத்தில் பெண்களுக்கு முக்கியத்துவம் கொடுக்கும் விழா ஒன்றில் கலந்து கொண்ட அதிரடியாக பேசியுள்ளார்.

இதில் பேசிக்கொண்டிருக்கும் பொழுது ” திரையுலகில் நடிகைகள் முன்னணி கதாநாயகியாக வளர, முன்னணி நடிகர்களுடன் இணைந்து நடிக்க வேண்டியதாக இருக்கிறது. அப்போது தான் இவர் இந்த நடிகரின் படத்தில் நடித்துள்ள நடிகை என்று அடையாளம் காண முடிகிறது.

ஆம் நடிகை நயன்தாராவின் வளர்ச்சிக்கு ரஜினி, விஜய், அஜித் போன்ற முன்னணி நடிகர்களின் படங்கள் தேவைப்பட்டது. ஆனால் என்னுடைய வளர்ச்சிக்கு சிறந்த படங்களின் கதைகள் மட்டுமே தேவைப்பட்டது.

அதே போல் ஒரு கதைக்கு தேவை என்றால் மட்டும் தான், நான் சர்ச்சைக்குரிய காட்சிகளில் நெருக்கமாக நடிகர்களுடன் நடிக்கிறேன் ” என்று வெளிப்படையாக கூறியுள்ளார்.