“படம் மிகப்பெரிய வெற்றி அடைய இறைவனை வேண்டுகிறேன்”சிம்பு நெகிழ்ச்சி பதிவு

தமிழ் சினிமாவில் முன்னணி நடிகராக வலம் வருபவர் சிம்பு. இவர் வெந்து தணிந்தது காடு திரைப்படத்தின் வெற்றியை தொடர்ந்து ஒபேலி என் கிருஷ்ணா இயக்கத்தில் உருவாகி இருக்கும் ‘பத்து தல’ திரைப்படத்தில் நடித்து முடித்து இருக்கிறார். இப்படம் வரும் மார்ச் 30 ஆம் தேதியான நாளை திரைக்கு வர இருக்கும் நிலையில் ரசிகர்களுக்கு நன்றி தெரிவித்து சிம்பு பகிர்ந்திருக்கும் நெகிழ்ச்சியான வீடியோ வைரலாகி வருகிறது.

அதில் அவர், பத்து தல திரைப்படம் இன்று வெளியாகி உள்ளது, இப்படம் மாபெரும் வெற்றி அடையும் என அனைவராலும் கூறப்பட்டு வருகிறது இதற்கு காரணம் நீங்கள் கொடுக்கும் ஆதரவு தான் அதை நான் மறக்க மாட்டேன். இதற்கு எவ்வளவு நன்றி சொன்னாலும் பத்தாது அனைவருக்கும் நன்றி கண்டிப்பாக அனைவரும் குடும்பத்துடன் தியேட்டரில் வந்து பத்து தல திரைப்படத்தை பாருங்கள். படம் மிகப்பெரிய வெற்றி அடைய இறைவனை வேண்டிக்கொள்கிறேன் உங்களது அன்பும் ஆதரவும் எப்பொழுதும் எனக்கு தேவை எனக் கூறியிருக்கிறார்.